LAOAG CITY – Sumangsango iti innem a federal charges ken state 1st degree murder charges ti suspek iti pammaltog idiay Minnesota.
Simmangon iti Korte ti agtawen ti 57 a ni Vance Boelter kalpasan a naarestar daytoy gapu iti panangpapatayna ken ni State Rep. Melissa Hortman ken asawa daytoy pakairamanan ti panagpaltog kada State Sen. John Hoffman ken ti asawana.
Inbatad ni Hennepin County Prosecutor a gapu ta awan ti death penalty idiay Minnesota ket sumango laeng ti suspek iti first-degree muder charges ken no na-convict ket mabalin nga agingga iti life imprisonment ti maipataw a dusana.
Iti nasao a panagdengngeg ket nangiruar ti judge ti bench warrant para iti suspek nga addaan ti $5 milyon a piyansa.
Nagtalinaed ti suspek iti United States Marshals a naikeddeng inton sumaruno a panagdengngeg ti kaso inton Hunio 27.
