(Update) LAOAG CITY – Kinanunungan ti piskalya ti ciudad ti Batac ti inpila ti PNP ti nasao a ciudad a kaso kontra ken ni Sherwin Riñen iti ili ti Badoc.
Segun ken ni P/C/Inps. Rodelio Santos, Hepe ti Pulisya ti naso a ciudad, kaso a murder ken frustrated murder ti inpila da kontra ken ni Riñen.
Kuna na a daytoy ket gapu iti pannakatay ni Randell Villaruz iti ciudad ti Batac ken pannakasugat ni Teodoro Dagupion iti ili ti Badoc kalpasan a napaltupaltugan dagitoy babaen iti nasao a suspek.
Maipalagip a ni Riñen ti intudo ni Dagupion a nangpaltopaltog kada Villaruz ken Dagupion bayat nga agawid dan manipud iti pagtrabahuan da ken bayat nga adda da iti paset ti Bgy. Baay iti nasao a ciudad a nakalugan iti kotse ti pimmusay.
Idi met laeng kalman a natiliw ni Riñen idiay Vigan City iti pagpapaayan na nga abogado.
