LAOAG CITY- Naipilan ti kaso a physical injury kontra kadagiti suspek iti napasamak a panagdangran iti Brgy. 15 Nolasco St. ditoy ciudad ti Laoag.
Nabigbig dagiti suspek a da Keyvin Pascua, residente iti Brgy. 51-B, Nangalisan ditoy ciudad ken ni Marco Paulo Ganal, tricycle driver ken residente iti nasao met laeng a barangay.
Maipalagip a napasamak ti panagdangran iti sango ti maysa a carinderia iti nasao a lugar idi Hulyo 21 iti alas-dos trenta ti parbangon.
Maipalagagip a bayat a mangmangan ti biktima a ni Minnelle Bayang Piniera, 34, naasawaan ken residente ti Brgy. 10, Mckinley St. ditoy ciudad ken ti kadwa na a ni Jemar Calventas Dela Cruz, 24, gas attendant, awanan asawa ken residente iti Brgy. 55-A Barit, iti nasao met laeng a ciudad ti nasao a carinderia ket nakibiang dagiti suspek kadakuada.
Kalpasan a nangan dagiti biktima ket tinambangan dagiti suspek iti ruwar ti nasao a panganan.
Kinomprontar ti suspek a ni Fiesta ni Piniera nga awanan iti rason ken dinanog na ti namitlo a daras agingga a naawanan ti poot ti biktima.
Naamoan a pinangtaan pay dagiti suspek ti pagayam ti biktima a saan a makiramraman.
Insigida a naglibas dagiti suspek babaen iti tricycle nga inturong ni Ganal.
