LAOAG CITY – Kinumpirmaran ni Police Capt. Belen Baoit, hepe ti PNP Solsona a simmukon ti suspek iti napasamak a panagtagbat iti Brgy. Barcelona iti nasao nga ili.
Binigbig ni Baoit ti suspek a ni Alex Edrada Bartolome, agtawen ti 59, naasawaan, ken residente iti nasao a barangay.
Kuna na a nakaawat ti impormasyon seknan iti bulontaryo a panagsuko ti nasao a suspek.
Gapu iti daytoy, nagturong ti grupo dagiti otoridad nga idadauloan da Police Lt. Col. Jonathan Papay iti PIU lead unit, Police Lt. Junjun Medina iti 1st PMFC ken ti PNP Solsona iti pagtaengan ti suspek.
Maipalagip a ti biktima ket ni Gregorio Domingo y Hipolito, agtawen ti 51, naasawaan ken residente iti nasao a barangay.
Napan gimmatang ti biktima iti mainom a nasanger iti maysa a paggatangan a masaraKan iti likod ti balay ti suspek.
Manarimaan met ti panaginom ti suspek ken ti maysa a kadua na nga agnagan ti Roger Vallente idi napan gimmatang ti biktima iti dayta a gundaway.
Idi nakagatang ti biktima ket dita a tinagtagbat ti suspek a poon ti nakatayan na, nangeg met ni Vallente ti panag paarayat ti biktima.
