LAOAG CITY – Natiliw dagiti dua a lalaki kalpasan ti panagtakaw da kadagiti tallo a kalding a taraken ni Juanito Tungpalan y Gandesa, agtawen ti 52, naasawaan iti Sitio, Tanap, Brgy. Macayepyep, Banna Ilocos Norte.
Nabigbig dagiti suspek a da Rommel Garcia y Yere, agtawen ti 33, naasawaan, mannalon ken residente iti nasao a barangay ken ni Winnard Manarpaac y Bragas, agtawen ti 41, mannalon ken taga Brgy Pasil, iti ili ti Paoay.
Segun kenni Police Senior Inspector Artemio Clemente, hepe ti PNP-Banna, naaktwan a mismo ni Tungpalan nga innala dagiti suspek dagiti kalding.
Immuna iti daytoy, makatagari dagiti taraken na ken idi napan na kinita ket naduktalan na a nakaluganen dagiti babbai a kalding na iti kurong-kurong…VC…cue out…kalding na
Inlawlawag na a kinasarita ni Tungpalan ni Manarpaac ken ditoy a naamoan na nga inlako ni Garcia dagiti kalding na iti 6,800 a pisos.
Inbatad ni Clemente a basar ti palawag ni Manarpaac ket adda manen ti ginatang na kenni Garcia a dua a kalding iti kallabes.
Naipila metten ti kaso kontra iti nasao a suspek ti panagtatakaw kasta met ti gimmatang.
