LAOAG CITY – Kinumpirmaran ni Barangay Chairwoman Bang Rarangol iti Barangay Nagpatpatan iti ili ti Solsona a saan a kaeskwela ti kabsat na a biktima ti pannakaibaot ti bag a naglaon ti bato ti suspek iti ciudad ti Batac.
Ummuna iti daytoy, idi napan nangan ti kabsat na nga agbasbasa iti Immaculate Concepcion Academy iti nasao a ciudad ket adda ti nangibaot ti bag nga adda ti karga na a bato a nakatamaan ti pispis ti kabsat na.
Segun kenni Rarangol, maipagarop a ti suspek ket kakunsabo ti nakariri ti kabsat na iti uneg ti nasao a pagadalan.
Inbatad ni Rarangol nga inbatad ti nakariri ti kabsat na a nakabalesen ken naipakammo kenkuana daytoy babaen kadagiti dua a witness kabayatan ti maikadwa a panagsasarita da.
Mainaig iti daytoy, kuna ni Rarangol a nakisarita iti ospital a mangaramid da ti waiver a no addan to manen ti pasamak a kastoy uray iti ruwar ti pagadalanket isuda met laeng ti liable.
Kuna pay ni Rarangol a kabayatan ti pasamak ket adda ti dua a barkada ti kabsat na a nangibaga nga agtarayen daytoy ngem gapo ta saan na nga ammo ti mapaspasamak ket timmalyaw nga eksakto met a timmama ti bag a naglaon ti bato iti pispis ti biktima.
