LAOAG CITY – Pormalen a napilaan ti kaso kriminal dagiti maitudtudo a suspek ti pannakatay ti agnagan ti Cecilia Gamyao iti paset ti Brgy. Ester iti ili ti Vintar.
Sumango ti kaso a murder da Mj Mabanag y Gamyao, Elmer Mabanag y Gamyao, Jovito Mabanag y Gamyao ken ni Angeline Borja.
Saan met a nailawlawag no anya dagiti nagbalin a grounds ti pannakaipila ti kaso a murder kadagiti nasao a suspek.
Nagkedked met ti PNP-Vintar a mangipaay ti ad-ado pay a detalye mainaig ti nasao a kaso.
Maipalagip a napalto-paltogan ti biktima idi rabii ti Marso 29 kabayatan nga agtugtugaw iti uneg ti balay da iti nasao a lugar.
