LAOAG CITY – Insigida a napaluspusan babaen ti PNP-Marcos ti akusado kalpasan a nakapagpyansa ti dua ribo a pisos.
Nabigbig ti akusado a ni Lilibeth Sacro y Miguel, agtawen ti 38, naasawaan, businesswoman ken residente ti Brgy. Lydia iti ili ti Marcos.
Natiliw ni Sacro babaen ti bileg ti warrant of arrest nga inparuk-at ni Judge Christian Emmanuel Pimentel iti Metropolitan Trial Court branch 69 idiay Pasig City.
Ti nasao a warrant of arrest ket naiparuk-at idi Pebrero 25, 2014 gapo ti panagisyu na ti talbog a tseke.
