LAOAG CITY – Mannarimaan ti panangipila ti kaso a panaglabsing iti Republic Act 9165 wenno Comprehensive Dangerous Drug Act of 2002 iti suspek ti drug buy bust operation a naiwayat iti Barangay 1 iti ciudad ti Laoag.
Ti suspek ket naarestar babaen ti nagtipon a pwersa ti Police Provincial Drug Enforcement Unit, Provincial Intelligence Unit, ken Philippine National Police iti ciudad ti Laoag .
Nabigbig ti suspek a ni Suzette Tabor y Tolentino, agtawen 43, naasawan, residente ti Barangay 15 iti nadakamat a ciudad, ken maibilang a street level individual.
Nakumpiskar kenkuana ti tallo a sachet iti maipagrop a shabu, 1000 peso bill a nausar kas buy bust money, ken 3,975 a pisos nga own money.
Mainiag iti daytoy ket naglikodan ti suspek a kukua na dagiti nakumpiskar kenkuana.
Kabayatanna, nagtalinaed ti suspek iti kustodiar ti Philippine National Police iti siudad ti Laoag.
