UPDATE-LAOAG CITY- Natiliwen ti suspek a nangbagkobagkong ken ni Hermes Rarangol y Rasay agtawen ti 46, naasawaan ken residente iti Bgy. 9 iti ili ti Sarrat, Ilocos Norte.
Segun ken ni P/C/Insp. Roldan Suitos, Hepe ti PNP-Sarrat, natiliw da ni Antonio ‘Tony ‘ Sales residente ti Vigan City, Ilocos Sur, ken empelyado ti STL, iti paset ti ili a San Nicolas, Ilocos Norte kadagiti kakadua na a pada nga agpapaay ti STL.
Kuna ni Suitos a natallugod a simmurot ni Sales kalpasan nga imbaga da ti kalintegan na iti panagtiliw da kenkuana.
Maipalagip a nagsagaba ti tama ti bagkong ti biktima kadagiti nagduduma a paset ti bagi na kalpasan a nagriri da iti suspek.
Naitaray met nga inisgida ti biktima iti maysa a pribado nga hospital iti ili a San Nicolas nga iti agdama ket maob-obserbaran pay laeng.
Kabayatan na, inpetteng ni Sales a dinepensaan na laeng ti bagi na idi pang-uran isu na ni Raranggol babaen ti bote ti nasanger isu a nabagkong na daytoy.
Nakasagana met daytoy a makisarita iti pamilya para iti posible nga amicable settlement.
Manamanma met a maipila ti kaso a frustratred homecide kontra iti suspek.
