LAOAG CITY – Naipisuken iti Ilocos Norte Provincial Jail ti suspek ti pammagkong idiay Brgy. 6, Parot iti ili ti Vintar, Ilocos Norte.
Nabigbig daytoy a ni Joel dela Cruz, agtawen ti 29, addaan ti live-in partner idinto a ti nagbalin a biktima ket ni Rolando Cobilla, agtawen ti 39, awanan ti asawa, maysa a construction worker, agpada a residente iti nasao a barangay.
Ti nasao a suspek ket sumagsango ti kaso a murder.
Maipalagip nga itay kallabes ket naginom ti biktima ken suspek agingga a timpuar ti nabara a saan da a panagkinnawatan a nangitunda ti nasao a pammagkong.
