LAOAG CITY – Naipilan ti kaso a frustrated murder kontra kadagiti suspek ti napasamak a pammaltog idi Hulyo 9 ita a tawen idiay Barangay 34-B, Gabu ditoy ciudad ti Laoag.
Nabigbig dagitoy a da Jeremy Magaoay y Tungpalan, taga Brgy Pipias, Bacarra ngem agnanaed iti Brgy 3 iti ili ti Pasuquin, ken ni Samuel Agas, taga iti Barangay 34, Cabaruan, Bacarra ngem agnanaed iti Brgy 43, Cavit ditoy ciudad.
Daytoy ket kalpasan a positibo a binigbig ti biktima a ni Elymar Lucas Salvador, 25, naasawaan, tricycle driver ken residente iti Barangay 35-Gabu Sur ditoy ciudad.
Maipalagip a napaltogan ni Salvador ken natiliw dagiti suspek babaen ti agtultuloy nga imbestigasyon ken naipilan ti kaso kontra kadagitoy.
