LAOAG CITY – Natiliw ti suspek a ni Joselito Zamora babaen ti naiwayat a man hunt operasyon ti PNP kalpasan ti napasamak a panagtagbat iti Brgy Bato iti ili a Badoc.
Daytoy ti inbatad ni Police Sr. Insp. Joseph Tayaban, hepe ti PNP Badoc.
Kuna na a natiliw da ni Zamora iti Brgy. Balbuena iti ili a Pinili ken narekobre da ti inaramat na a panagtagbat ti biktima a ni Barangay Tanod Jayson Aranya, agtawen ti 32, residente ti Brgy Bato. .
Iti agdama, nagtalinaed ti suspek iti kuerpo ti pulisya.
Segun kenni Tayaban, adda ti riri dagiti dua idi Nobyermbre 5 ken idi kalman ti bigat ket napan kinumprontar ti biktima ti suspek bayat nga agnmulmula ti mais,
Kuna na a naaddaan da ti nabara a diskusyon ket dita a kelaat tinagtagbat ni Zamora ti biktima.
Naitaray ti biktima iti Sta. Milagrosa Hospital iti ili ti Sinait ngem naideklara a dead on arrival.
Maisagsaganan ti kaso nga homicide kontra ti suspek.