LAOAG CITY – Dakkel ti panagbabawi ti suspek ti napasamak a panagtagtagbat idiay Bgy. Sinamar iti Banna, Ilocos Norte.
Daytoy ti inbatad ni Chief of Police Artemio Clemente ti nasao nga ili.
Binigbig ni Clemente ti biktima a ni Rommel Agpalasin, agtawen ti 26, naasawaan, maysa a mannalon ken agnaed idiay Bgy. Caestaban idinto a ti suspek ket ni Zaldfy Salem , agtawen iti 27, awanan asawa, maysa a mannalon ken agnaed iti Bgy. Sinamar iti nasao met la nga ili.
Segun ken ni Clemente, posible a gapu iti pannakapurar ti biktima iti pannaka”flashlight” ti rupa na babaen iti magmagna a suspek bayat a nakalugan ti motorosiklo ken nabartek pay dagitoy ti rason ti nasao a panagtagbat.
Nagsagaba ti biktima ti tallo a tagbat iti mismo a siket na a poon iti nakaitarayn nna iti ospital.
Kuna ni Clemente nga iti kaudian a monitor da iti situasyon ti biktima ket maob-obserbaran pay laeng gapu ta maysa kadagiti tagbat na ket nauneg.
Inadmitir ni Clemente nga inungtan na pay ketdi ti Bgy. Tanod a ni Rizal Agnes a nangilubbong iti biktima gapu iti nasao a pasamak.
Isagsaganan ti PNP-Banna ti maipila a reklamo kontra iti nadakamat a suspek nga iti agdama ket adda iti kustodyar da.
