LAOAG CITY – Impakdaar ni Secretary-General ti United Nations a ni Antonio Guterres a ti gubat ken panagkurang ti pondo ti nanglapped iti panagrang-ay nga agturong kadagiti kangrunaan pakakumikoman ti United Nations iti panagdur-as a pakairamanan ti tignay a manglaban iti panagbalbaliw ti klima.
Idi 2015, dagiti estado a kameng ti United Nations ket nang-adaptar kadagiti Sustainable Development Goals, no sadinno a 17 ti puntiria da a mabalbaliw inton tawen 2030, a pakairamanan babaen ti naan-anay a panagpatingga ti nakaro a kinapanglaw ken panagpatingga ti bisin.
Ngem kinuna ni Guterres a “ti lubong ket makagun-od iti failing grade.”
Agpapan ita ket maisub-subli ti panagregget a mangibunong iti pondo ken atension kadagiti panggep, karaman ti Covid-19 pandemic, dagiti gubat iti Ukraine, Gaza ken Sudan, klima ken nakaro a panagngato ti gastos iti panagbiag.
Pakairamanan ditoy ti gagem ti organisasyon a mangmonitor kadagiti baro nga impeksion ti human immunodeficiency virus wenno HIV, dumakdakkel nga internet access, ken ti “booming” a pannakausar dagiti renewables.
Inpetteng ni Guterres a ti panangilibak kadagiti kangrunaan a kasapulan para iti nakaad-adu ket nakabutbuteng ken saan a maiparbeng isu a kasapulan ti aksion a mangyeg iti kappia kadagiti rinnupak a mapaspasamak iti sangalubongan a buyogan ti panagregget nga agturong iti green transition.
