LAOAG CITY – Nagdinnungpar ti maysa nga SUV ken pick-up iti Brgy. Mumulaan iti ili a Paoay.
Nabigbig iti nangiturong ti Toyota Fortuner a ni Christian Adam Savedo, maysa a Pastor ken residente iti Brgy. Poblacion iti ili a Burgos kadwa na ti asawa na idinto a ti nangiturong ti Toyota Hilux ket ni Ana Maria Penelope Remigio, 53, maysa a balik-bayan.
Basar iti imbestigasyon ti PNP Paoay, bayat nga agturong iti abagatan a direksyon ti SUV idi rumuar iti Remigio Construction ti pick-up ket dita a nagdinnungpar dagiti dua a lugan.
Naamoan a napaspas iti taray ti SUV idinto a saan met a naripar ti pick-up iti blind curve a paset ti dalan.
Nupay kasta, awan iti nakana a sugat a sinagaba dagiti kinadwa ni Remigio malaksid iti angalen na nga abaga na,
Kas resulta ti nasao nga aksidente, nadadael ti sango a paset ti SUV idinto a nadadael met iti bakrang ti pick-up.
