LAOAG CITY – Nagbaliktad ti maysa nga SUV kalpasan a naawan ti kontrol ti driver ken naidungpar iti nakaparking nga elf truck ken poste ti kuryente iti Barangay 16 iti ili ti San Nicolas.
Basar iti Philippine National Police iti ili ti San Nicolas, daldalyasaten ti driver ti Manila North Road a paset iti Barangay 16 idi saan na a nakontrol ti lugan na ken nagderetso iti bangir a linya ti kalsada.
Naamoan nga iti papan na iti bangir a linya ket nadungpar na ti nakaparking a truck ken poste ti kuryente agingga a nagbaliktad ti lugan ti biktima.
Gapo iti daytoy, nagsagaba ti minor injuries ti biktima ken naitaray iti Gov. Roque Ablan Sr. Memorail Hospital ditoy ciudad ti Laoag.
Kabayatanna, saan met a nakainom ti nasanger ti biktima idi napasamak ti desgrasya ken agtultuloy ti imbestigasyon dagiti otoridad mainaig iti daytoy.
