LAOAG CITY – Naidungpar ti nagluganan ti maysa a lalaki a fort eco sport iti plantbox iti Brgy. Buttong ditoy siudad ti Laoag kangrunaanna iti sangoanan iti Science Building iti Northwestern University.
Segun ken ni Police Master Sergeant Artemio Magaoay, Duty Investigator ti Philippine National Police Laoag – Traffic Division, ti driver ket adda iti umno a tawen ken residente iti Brgy. 26 ditoy siudad ti Laoag.
Inbatadna a basar iti inwayatda nga imbestigasion, naggapu iti eropuerto ti biktima gapu ta napan nangitulod daytoy ngem apaman nga agawiden iti pagtaenganda ket rumrummuar a nairidep ti driver a nangitunda ti pannakaidungpar daytoy kadagiti plantbox.
Kunana a saan met a naan-ano ti driver ngem nadadael ti sangoanan a paset ti lugan.
Innayonna a saan met a napataray ti driver ken saan a nabartek idi napasamak ti desgrasia.
