LAOAG CITY – Ballaigi ti naiyus-wat a Search Warant Operation ti PNP-Sarrat iti pagtaengan ti agnagan ti Flaviano Layugan, addaan ti umno tawen, empleyado ti OMNICO ken residente iti Bngy. 18 ti nasao nga ili.
Marekubre dagiti pulis ti maysa nga aglatlati a “one pong” a paltog, caliber 22 a paltog ken inem a bala na, tallo a balla ti 5.56 armalite riffle, pito a bala ti caliber 22, maysa a bala ti magnum 22, maysa a bala ti super 38, ken kapsula dagiti nadakamat a klase ti paltog ken dua a sachet a maatap a naglon ti shabu ken sumagmamano a drug paraphernalia.
Naiwayat ti operasyon babaen ti panangimatang dagiti opisyales ti Barangay ken kamkameng ti media.
Kabayatan na, Ssaan a maako ni Layugan a kukua dagiti nagdduduma a bala, maysa a paltog a kalibre 22, dua a sachet a naglaon iti maatap a shabu ken drug paraphernelia a naikabil iti bag a naala iti maysa a kuwarto iti pagtaengan na.
Segun ken ni Layugan, saan na a maadmitir a kukua dagiti nasao a banag ket ti laeng aglatlati a paltog a nakali na addan agarup lima a tawen ti napalabas ti kukua na.
Kuna na nga adda ti imuna a simrek iti balay da a nakasibilyan a pulis a daytoy ti pammati a makin-aramid ti pannakaimula ti nasao a banag.
Nupay kasta, inadmitir na a drug surenderee daytoy.
Paspasingkedan met daytoy nga alegasyon ni Flaviano babaen ti ti agnagan ti Larife a karruba a nakita na ti nakasibliyan a pulis nga adda pay tattoo na.
Kinuna met ni Bgy. Chairman Joey Ramos nga awan ammo na iti pakaidamdamagan ni Layugan gapu ta nasingpet met daytoy.
Daytoy laeng kuna na gapu ta katugtugaw na laeng a kapitan ti Bgy.
Ibilang ni P/C/Insp. Roldan Suitos, Hepe ti Pulisya ti PNP ti ili a Sarrat a legal ti inaramid da a Search Operation iti pagtaengan ni Mr. Flavio Layugan iti Bgy. 18 ioti nasao nga ili.
Segun ken ni Suitos, ti alaegasyon ti pamilya nga adda ti immuna a simrek a pulis kalpasan ken nagimula ket awan ti kinaagpaysuanan na.
Kuna na a depensa laeng daytoy ti suspek a masansanen nga ar-aramiden dagiti matiltiliwan.
Inbatad na a naaramid ti operasyon iti presensiya dagiti kameng ti media ken Bgy. Officials.
Kuna na pay a no apay nga inwayatan da ti operasyon ket gapu kadagiti reports a saan a nagsardeng ti madi nga aramid ti suspek panggep ti illegal a droga ken adda da pay reklamo na idin panggep ti panagtotok.
Innayon ni Suitos nga amin dagiti narekubre ket dumalan ti examination.
