LAOAG CITY – Ad-adda pay a paigetan ti gobierno ti Sweden iti panagtagikua kadagiti paltog.
Naiyuswat ti rakurak sumagmamano nga aldaw kalpasan ti nadara a pammaltog iti maysa a pagadalan a nakatayan ti pito a babbai ken uppat a lallaki.
Ti agtawen ti 35 a suspek a ni Rickard Andersson ket addaan ti uppat a legal a paltog no sadinno a tallo kadagitoy ket inusarna iti pammaltog.
Basar kadagiti agpanpanday linteg idiay Sweden a mangipasada ti linteg tapno ad-adda pay a mapaigetan iti pannakaipawil ti panaggatang kadagiti armas nangruna kadagiti napipigsa a klase ti paltog.
Inpetteng ni Prime Minister Ulf Kristersson a siguradoen ti gobierno daytoy a dagiti makagatang ti paltog ket dagiti adda ti karebbenganna laeng.
Basar iti datos, agarup 600 a ribu a Swedes iti sumurok 10.5 a milyon n populasion ti pagilian ti agtagikua ti paltog.
Maipalagip nga ibilang ti gobierno a ti napasamak a pammaltog iti naglabas nga aldaw ket isu ti kakaroan iti pakasaritaan ti Sweden.
