LAOAG CITY – Mait-iteden iti umiso nga aldaw ti sweldo dagiti empleado iti economic enterprise ditoy ciudad.
Karaman ditoy ti Central Terminal, Laoag City Public market and Commercial Complex ken Laoag City General Hospital.
Segun kenni Mrs. Lowelyn Acain, ti OIC ti City Accounting Office, nagsweldo laeng dagitoy iti para katapusan itay napalabas a lawas.
Ti Central Terminal ket adda ti naited a subsidy manipud iti Laoag City Public Market and Commercial Complex ken adda ti koleksyon da nga isu ti naggapoan ti sweldo dagiti empleado.
Iti agdama ket manarimaan ti pannakaisagana ti clothing allowance iti daytoy a tawen ken manamnama nga iti sumaruno a lawas a maited daytoy.
Naamoan nga innem a ribo a pisos ti clothing allowance a maited kadakuada kas basar iti guidelines.
Inpasigurado ni Acain nga awan ti problema gapo ta mait-ited ti sweldo iti umiso nga oras.
