LAOAG CITY – Awanen ti pannakadelay ti sweldo dagiti Job order ken casual iti capitolyo probinsial.
Segun kenni Provincial Accountant Debra Pacunayan, nadelay laeng iti sumagmamano a lawas ti sweldo dagiti maseknan iti kallabes gapu ta kasapulan a mapirmaan nga umuna ti kontrata da.
Maipalagip nga iti panagngudo ti kontrata dagiti maseknan nga empleado ket isu met ti panagsukat ti administrasyon.
Nupay kasta, inbatad na a kalpasan a napirmaan ti kontrata dagitoy ket naited metlaeng a dagus ti sweldo da.
Naamoan a ti kapitolyo probinsial ket addaan ti 696 a regular employees idinto a 546 dagiti job order.
