LAOAG CITY – Inlawlawag ni Ms.Shey Pia Abaya, ti Assistant Manager ti Public Employment Service Office iti gobierno lokal ditoy ciudad ti Laoag nga adda ti pannakapending ti sweldo dagiti Batch 2 ti Special Program for Employment Students.
Segun kenkuana, adda ti nagbalin a problema kadagiti Daily Time Record (DTR) dagitoy isut gapuna a na-pending ti sweldo da.
Nupay kasta, kunana nagsweldo aminen dagiti batch 1 iti nasao a programa ken manarimaan met ti panagtrabaho pay laeng dagiti batch 3.
Inpakaammo na nga 4 a milyon a pisos ti nailatang a budget babaen iti Gender Development Fund para iti sweldo dagiti benepisyaryo ti Special Program for Employment Students ditoy ciudad ti Laoag.
Kabayatanna, kuna ni Abaya a dakkel a tulong para kadagiti benepisyaryo ti Special Program for Employment Students ti panagtrabaho da iti nagduduma nga opisina iti gobierno lokal ditoy ciudad ti Laoag.
