LAOAG CITY – Nangiwaras ti Syrian civil defence group ti specialist emergency teams iti Saydnaya prison iti ciudad ti Damascus kalpasan dagiti reports nga adda dagiti balud a naipupuk iti underground cells.
Inrakurak ti White Helmets nga agpapan ita ket awan pay ti nabirukan ti grupo nga aniaman a sikreto a ridaw ti maibagbaga nga underground cells ti Sandaya Prison.
Nupay kasta, inpasingked ti grupo nga itultuloy da latta ti agsawar babaen ti tulong dagiti tattao a makaammo iti pagserkan ken pagruwaran iti nasao a pagbaludan.
Kabayatanna, umaboten ti nasurok a 3,500 a balud ti nawaya-wayaan sipud naagaw ti rebelde a grupo iti Syria ti turay manipod iti rehimen ni dati a President Bashar al-Assad.
Immunan a naglibas ni Assad ken ti pamilya na sakbay pay a naan-anay a nasakup ti rebelde a grupo iti ciudad ti Damascus ken dagitoy ket napan da nagkamang iti Russia.
