LAOAG CITY – Simmangpeten idiay Saudi Arabia ni Syrian President Ahmed al-Sharaa tapno makataripnong ni Crown Prince Mohammed bin Salman.
Daytoy ti kaunaan a foreign trip ni al-Sharaa kalpasan a dinutokan isuna ti transitional government.
Apaman a bimmaba ti eroplano iti King Khalid International Airport idiay Riyadh ket sinabat isuna ni Deputy Governor of the Riyadh Region Prince Mohammed bin Abdulrahman bin Abdulaziz.
Naammoan a maysa kadagiti tinalantanda ket ti panagsagana ti Saudi Arabia para iti panagbangon ti Syria.
Kabayatanna, nakasagana a makitinnulong ti Syrian President tapno mapapigsa ti enerhia, teknolohia, edukasion ken salun-at.
