LAOAG CITY – Ibilang ti Syrian rebels a dakkel a balligi da ti pannakaagaw dan ti ciudad ti Damascus iti Syria.
Immunan nga inbatad ni Syrian Observatory for Human Rights, Rami Abdel Rahman a naglibas ni Syrian President Bashar al-Assad sakbay pay nga inabandonar dagiti army security forces na ti lugar.
Segun iti dua a Senior Syrian army officers, saan da pulos nga ammo ti ipapanaw ni Assad iti Syria ken no sadinno ti nagturungan na.
Iti panagturay dagiti rebelde iti ciudad ket nangipatungpal da a dagus ti curfew manipod iti alas-kwatro ti malem agingga iti alas-singko ti bigat.
