LAOAG CITY – Naakusaran ti Syrian security forces a nangpatay iti ginasut a sibilyan a pakaibilangan ti Alawite religious minority iti agtultuloy a kinadamsak iti kabaybayan a paset ti pagilian.
Daytoy ket basar iti war monitoring group a The British-based Syrian Observatory for Human Rights (SOHR).
Inbatad ti grupo nga umabot iti 745 a sibilyan ti natay iti agarop 30 a “massacres” a ti target dagitoy ket dagiti Alawites.
Ginasut met a tattao ti napilitan a nagbakwit iti rehiyon, ti lugar a naggapwan ni napadisi a dati a Syrian President Bashar al-Assad, a karaman pay iti Alawite sector.
