LAOAG CITY – Adda ti panagkurkurang ti syringe wenno hirringilya para iti panagbakuna kontra iti covid-19 ditoy siudad ti Laoag.
Daytoy ti inpakaammo ni Mayor Michael Marcos Keon ditoy siudad.
Segun ken ni Keon, bunga daytoy ti napaspas ken umad-ado a bilang dagiti agpapabakuna ditoy siudad.
Mainaig iti daytoy, kuna ni Keon a manamnama a sumangpet ditoy probinsya ti agarup 50,000 nga hirringgilya ti bakuna iti kabiitan a panawen.
Immunan nga inpakaammo ni Keon a narekognisar ti siudad ti Laoag babaen iti national kas maysa kadagiti kapaspasan nga agbakuna kontra covid-19.
