LAOAG CITY –Pagmultaen ti Department of Labor and Employment (DOLE) ti agdagup P9.8 milion ti dati a coach ti Ateneo Blue Eagles a ni Tab Baldwin.
Daytoy ket kalpasan nga adda pakainaiganna iti ipapatay ti dua nga atleta, da Rene Baterbonia ken Divine Adili, a nalmes idi napalabass a Hunio bayat ti team building activity idiay Dipaculao, Aurora.
Pinagmulta pay ti DOLE iti P4.9-M ti Ateneo de Manila University (ADMU) gapu iti panaglabsingda iti employment permit requirements.
Segun iti DOLE, sinalungasing da Baldwin ken Ateneo ti Article 40 ti Labour Code, partikulat ti saanna a pananggun-od iti Certificate of Exemption (COE) ken Alien Employment Permit (AEP).
Pagbyaden da ni Baldwin iti P4.9-M gapu iti saanna a pananggun-od iti AEP ken P4.9-M para iti COE.
Kabayatan a mamulta ti Ateneo iti P4.9-M gapu iti panangalana ken ni Baldwin nga awan ti aniaman a legal permits-na.
Malaksid iti daytoy, adda pay P10,000 a multa a naipabaklay kada Baldwin ken Ateneo gapu iti kaawan ti AEP.
Nagtrabaho ni Baldwin kas head coach ni Ateneo manipud Disiembre 1, 2015 agingga idi Setiembre 28, 2016.
