LAOAG CITY – Inpasingked ni Mr. Arthur Valente ti Fishery Coordinator iti Provincial Agriculture Office a natalged ti tahong wenno mussels ditoy probinsia sipod ta awan ti Paralytic Shellfish Poisoning.
Kunana a dagiti tahong a mailaklako iti merkado ket aggapo laeng iti bukod a lugar ken awan dagiti aggapo kadagiti lugar a naipadamag nga addaan ti Paralyric Poisoning.
Inlawlawag met ni Valente ti rason nga adda ti sabidong a mangapektar kadagiti tahong.
Inbatad na a narway ti maiproduce a micro organism gapu ti kinapudot ti panawen a mangdevelop ti Algal Bloom a paggapwan ti toxin iti danum a mabalin a maipauneg ti tao babaen ti pannangan ti tahong.
Innayonna, a nu man saan a matay dagiti tahong ngem dagiti mangan a tao ket isuda ti posible nga agpasar ti sakit.
