LAOAG CITY – Inrakurak ti Taiwan ti pannakaipangato ti sueldo dagiti suldadoda kagiddan ti manpower shortages.
Daytoy ket iti baet ti agdama a sangsangoenda a military pressure manipud iti pagilian a China.
Ipetpetteng ti Beijing a ti Taiwan ket paset ti teritorioda ken agar-aramidda ti wagas tapno mabuteng ti Taiwan ket maala ti kontrol iti isla.
Naammoan a masansan nga adda dagiti fighter jets ken warships iti aglawlaw ti isla ken adda dagiti sumagmamano a major military exercises ti maiwaywayat sipod nagtugaw ni President Lai Ching-te iti Taipei iti napalabas a tawen.
Inpakaammo ni Presidente Ching-te ti pannakaipangato ti sueldo dagiti suldado kabayatan ti panagbisitana ti military camp.
Inbatadna a masapol nga agtultuloy ti panangsuporta kadagiti hard-working officers ken suldado iti aniaman nga aspeto.
Kabayatanna, manipud inton Abril 1, volunteer enlistees ket makaawat ti additional monthly allowance ti agingga iti NT$5,000 ($151) manipud iti NT$10,000 idinto ti allowance para kadagiti miembro ti combat forces ket makaawat ti doble agingga iti NT$12,000 iti kada bulan.
