LAOAG CITY – Sumangsango iti nakaro a panagkurkurang ti pwersa ti militar ti Taiwan no sadinno nga iti baet ti panangikarkarigatan a padakkelen ti recruitment process na ket nagtalinaed nga ado latta ti kurang dagiti agkalikagom nga agbalin a soldado iti pagilian.
Naamoan nga umab-abot laeng iti 80% dagiti Taiwanese nga agbolboluntaryo tapno agbalin a soldado.
Sipud idi 2022 agingga iti 2024, sumuruk-kumurang a 12 ribo dagiti miembro dagiti soldado a pimmanaw iti militar a nangitunda ti panagdanag dagiti opisyal ti gobierno ti Taiwan.
Gapu iti daytoy, balbaliw manen a natratar ti posibilidad ti panangipalubos dagiti foreign migrants a ma-enlist, ngem awan pay ti opisyal a desisyon ti pagilian seknan iti daytoy nga isyu a nabayagen a mapagsasaritaan iti uneg ti nasurok a dua a dekada.
Maysa kadagiti maitudtudo a rason ket ti panagbagsak ti birthrate ti Taiwan, a maikadwa iti kababaan iti Asya kalpasan iti South Korea.
Nupay dakkel ti sweldo ti militar ket ad-adda paylaeng a pilyen dagiti Taiwanese dagiti oportunidad iti pribado a sektor.
