LAOAG CITY – Inbatad ni Mr. Allan Ventura, maysa kadagiti agtagikua ti BBs Sweets wenno paggatangan ti cakes ditoy siudad ti Laoag a saan na a ninamnama a maysa ti negosyo da iti partner na a ni Mr. Bryan Guira kadagiti agbalin a patok.
Segun ken ni Ventura, mahilig nga agbake ti partner na nu sadino nga arig a tunggal monthsary da ket agaramid daytoy ti cake.
Kuna na a dita a napanunotan da idi 2017 nga imbes a para laeng kadakuada ti cake ket mailako tapno maramanan ti sabali tao.
Inbatad na nga iti immuna ket limitado laeng dagiti nagbalin a kliyente ken maaramid da a cake.
Nu pay kasta, inpakaammo na a tawen 2019 idi agpada da a nagpokus iti negosyo nu sadino nga inibbatan na ti propesyun na kas maysa a maestro idinto ken manipod iti panagbalin met a nurse ti partner na.
Mainaig iti daytoy, kuna ni Ventura a saan a malappeddan ti panagsangpet dagiti pannubok ken maysa ditoy ti pandemiya nu sadino a nagsardeng ti operasyon da idi 2020.
Kabayatanna, inbunannag ni Ventura a babaen iti panagtalek iti tunggal maysa ken kangrunaan iti Diyos naisubli ti ganar ti negosyo da nu sadino nga iti Disyembre iti kapada a tawen ket balligi a naipatakder ti umuna a physical store da.
Innayun na a nakatulong da pay iti dadduma a tattao nga agkasapulan.
Naamoan ken ni Ventura nga itay napan a tawen, nanayunan pay ti branch ti BBs Sweets agingga a nagbalin a 14 a branches ken maysan a naan-anay a kompanya.
