LAOAG CITY – Narekobre dagiti opisyal ti Barangay Darat, Pinili, Ilocos Norte ti tallo a bala ti paltog ngem nagduduma ti klase na.
Napasamak daytoy kabayatan ti panagdaldalos dagiti nasao nga opisyal iti dap-ayan iti Purok Manggahan iti nasao a barangay.
Mismo a ni Barangay Chairman Ray Tugas ti nadakamat a barangay ti nangkumpirmar iti daytoy.
Kunana a dagiti narekubre da a bala ket saggaysa a bala para iti 12 gauge shotgun, kalibre 40 ken 9mm pistol.
Inpasingked ni Police Major Jephre Taccad, ti chief of police iti ili ti Pinili nga ipadalan da dagiti nasao a bala iti balistic examination.
Innayon na nga itultuloy da ti agimbestigar mainaig iti nasao a pasamak.
Maipalagip nga adda manen narekubre a dwa a riffe grenade ken magazine para iti armalite a naisupot iti plastic iti maysa a barangay iti nasao met la nga ili itay kallabes.
