LAOAG CITY – Kinumpirmaran ti gobyerno probinsyal dagiti tallo a baro a kaso ti COVID-19 ditoy probinsya rason nga umaboten iti 13 dagiti kaso ti nasao a virus.
Basar iti gobyerno probinsyal, agpapada a residente iti ili ti Pagudpud dagiti tallo a baro a kaso ti COVID-19 a da IN-C11, IN-C12 kenni IN-C13.
Ni IN-C11 ket maysa a babai nga agtawen ti 31 ken residente iti Brgy. Balaoi; IN-C12 ket maysa a lalaki nga agtawen ti 24 ken residente iti Brgy. Poblacion Uno, kenni IN-C13 ket maysa a lalaki nga agtawen ti 29 ken residente iti Brgy. Saguigui iti nasao nga ili.
Rumrumwar nga adda ti close contact da IN-C11 kenni IN-C12 kenni IN-C6 idinto a ni IN-C13 ken nakapulapol na ni IN-C9 itay kallabes.
Malaksid iti daytoy, maysa pay nga Authorized Person Outside Residence (APOR) ti nagpositibo iti COVID-19.
Daytoy ket naggapu iti probinsya ti Rizal ken nagturong ditoy siudad ti Laoag.
Nagtalinaed dagiti tallo a COVID-19 patient a taga Pagpudpud iti quarantine facility iti nasao nga ili idinto a naipatungpal ti Community Lockdown kadagiti nasao a barangay.
