LAOAG CITY – Kinumpirmaran ni Gov. Matthew Marcos Manotoc nga adda manen iti tallo a baro a kaso ti COVID-19 ditoy probinsya.
Daytoy ket isuda INC73, lalaki, agtawen ti 38, APOR wenno Customer Service Representative ken residente iti Brgy. 6 ditoy siudad ti Laoag; IN-C74, babai, agtawen ti 27, LSI a naggapu iti Cainta Rizal, ken residente iti Brgy. 1 iti ili ti Sarrat kenni IN-C75, babai, agtawen ti 40, LSI a naggapu iti Parañaque City, Manila ken residente iti Brgy. Santa Cruz, iti ili ti Currimao.
Inlawlawag ni Manotoc a ni IN-C74 ken kadua na a nagawid ni IN-C71, babai, agtawen ti 29 a naggapu met laeng iti Cainta, Rizal.
Basar iti naiparuk-at a datus, agpada nga asymptomatic ken naka-isolate da IN-C74 kenni IN-C75 idinto a naadmit ken symptomatic ni IN-C73.
