LAOAG CITY – Nakairekord ti probinsya ti tallo a baro a kaso ti covid-19 ita nga aldaw, oktubre 1.
Da IN-C118, agtawen ti 28 a babai, IN-C119, agtawen ti tallo a lalaki ken ni IN-C120, agtawen ti innem a babai ket agkakabbalay ken agpapada a locally stranded individuals (SLIs) iti Brgy. 9 iti ili ti San Nicolas.
Iti statement nga inparuk-at ni Governor Matthew Marcos-Manotoc, dagiti nasao a pasyente ket naggapo da idiay Caloocan City, Metro Manila idi setyembre 24 ken nai-quarantine da a dagus apaman a nakasangpet da ditoy probinsya kas safety protocol.
Awan ti maipatungpak a lockdown iti nadakamat a lugar gapu ta nagtalinaed da iti quarantine facility agingga a saan a rimuar ti resulta ti swab test da.
