LAOAG CITY – Nagkarambola dagiti tallo a behikulo iti paset ti Brgy. Barit ditoy siudad ti Laoag.
Basar iti impormasyon a nakalap ti Bombo Radyo iti PNP ditoy siudad ti Laoag, agpapada nga agpaabagatan dagiti tallo a behikulo a kotse, montero ken maysa a motorsiklo.
Umuna iti linya ti Montero idinto nga adda iti tengnga ti motorsiklo.
Naamoan a saan a napakadaan ti kotse ti panagsardeng dagiti dua nga akinsango a behikulo rason a nadungpar ti motorsiklo ken nadungpar met daytoy ti montero.
Awan met dagiti nagsagaba iti nakan a sugat kadagiti maseknan.
Mainaig iti daytoy, naamoan a ti nangiturog iti Montero ket residente ditoy siudad ti Laoag idinto a taga Solana Cagayan ti nangiturong iti kotse ken iti poblacion 1 iti ili ti pagudpud met ti naglugan iti motorsiklo.
