LAOAG CITY – Addan ti tallo a Pyrotechnic devices wenno Boga a nakumpiskar ti Philippine National Police iti ciudad ti Batac sipud rinugyan da ti kampanya da kontra kadagiti illegal a Pyrotechnic idi Nobyembre ita a tawen.
Daytoy ti inbatad ni Police Lt. Col. Adrian Gayuchan, ti chief of police iti nasao a ciudad.
Segun ken ni Gayuchan, dagiti nakumpiskar da a tallo a boga ket aggapo iti Barangay Caunayan iti ciudad ti Batac.
Kuna na a dagiti nakaalan da iti tallo a boga ket agpapada a menor de edad ken residente dagitoy iti nadakamat a barangay.
Innayon na a mismo metlaeng a dagiti menor de edad ti nagaramid kadagiti nakumpiskar da a boga.
