LAOAG CITY – Kinumpirmaran ni PMaj. Eddie Suyat, ti hepe ti PNP-Paoay a tallo a dati a kapitan iti ili ti Paoay dagiti nangisuko ti paltog.
Inpakaamo ni Suyat a maysa kadagiti dati kapitan ken itan ket Brgy. Kagawad ket ni Noel Alegado iti Brgy. Cayubog.
Inbatadna nga insuko daytoy ti maysa a unit ti calibre 45 nga awanan ti magazine ken nag-expire ti lisensya na idi Setiembre 2020.
Kabayatanna, kuna na a ni dati a kapitan Joel Tabugoca iti Brgy. Dolores ket nangisuko ti maysa a calibre 45 a paltog nga addaan ti maysa a magazine pakairamanan ti tallo a bala ken nag-expire idi Nobiembre 2018 idinto a maysa a calibre 9mm a paltog ken dua a magazine ti insuko ni Isagani Pacol iti Brgy. Cabaguan nu sadino a nag-expire met idi Nobiembre 2018.
Mainaig iti daytoy, inpakaamo ti hepe a babaen iti naiyuswat nga Oplan Katok ket balligi nga insuko dagiti maseknan ti iggem da a paltog.
