LAOAG CITY – Inpakaammo ni Fire Chief Inspector Roxanne Parado, ti provincial firmarshall a nakaawat ti probinsya iti tallo a baro a fire truck manipod iti Burea of Fire Protection (BFP).
Kuna na a dagiti tallo a fire truck ket maited iti BFP-Marcos, BFP-Dingras ken iti BFP-Dingras.
Inlawlawag na a dagiti tallo a truck ket karaman iti 65 a unit nga ginatang ti gobierno national babaen iti naiyalokar a pondo iti BFP.
Inbatad na a naragsak gapu ta naipaayan ti probinsya kadagiti baro a fire truck agsipod ta narigat ti proseso sakbay a makaawat iti daytoy.
Kabayatanna, kuna ni Parado nga agtultuloy ti panag-request da iti fire truck tapno maikkan dagiti sabali pay nga ili ditoy probinsya.
