LAOAG CITY – Naawanan ti puot dagiti tallo nga estudyante a Grade 9 iti Bingao National High School iti ili ti San Nicolas kabayatan ti naisayangkat nga earthquake drill.
Daytoy ti kinumpirmaran ni Mrs. Marilou Pasalo, principal iti nasao a pagadalan.
Segun kenni Pasalo, 15 a minutos kalpasan ti panagruwar dagiti estudyante para iti aktibidad ket naawanan ti puot dagiti estudyante.
Naitaray iti ospital ti dua nga estudyante ken nakarekober met laeng a dagus ti maysa kadakuada.
Naamoan a maysa kadagitri naitaray iti ospital ket adda ti asthma na.
Ti naiyuswat nga aktibidad ket practice para iti Simulatenous Earthquake drill intono bigat iti nasao a pagadalan a pakairamanan dagiti kameng ti PNP ken BFP iti nadakamat nga ili.
