LAOAG CITY – Nagballaag ni P/Lt. Col. Michael Agoncillo ti Chief of Police, ti PNP Batac a saan da a palabsen iti siasinoman nga aglabsing iti linteg.
Daytoy ket kalpasan a naaktuan dagiti tallo a lallaki nga agsusugal iti Brgy. Baay iti ciudad ti Batac.
Nabigbig dagitoy a da Edwin Bartolome, 53, naasawaan, empleyado ti STL; Egdar Salvador, 52, naasawaan, mannalon ken ni Charlie Villanueva, 50, naasawaan, van driver ken agpapada a residente iti nasao a barangay.
Namintallo a daras a naisuplong dagitoy ket ditoyen a naaktuan dagiti otoridad iti panagsusugal da.
Nakumpiskar ti 420 a pisos a bet money, baraha, lamisaan ken 3 a tugaw.
Nairekomendar ti 500 a pisos para iti pannakawaya-waya dagitoy.
Innayon na a pagtalinaeden da iti linak ken talna iti ciudad.
