LAOAG CITY – Naarestar dagiti tallo a lallaki babaen ti bileg ti warrant of arrest iti Bacarra, Ilocos Norte.
Nabigbig dagitoy a da Paul Richard Destichado, agtawen ti 24, baro, taga Barangay 2; Michael Angelo Palma, agtawen ti 24, baro, residente iti Barangay 1 ken ni Joshua Cacaluan, agtawen ti 20 ken residente iti Barangay 2 agpapada ditoy ciudad ti Laoag.
Ti warrant of arrest ket inparuk-at ni Judge Jose Ferril Jr. iti MTC-Bacarra gapu iti kaso a panagsalungasing ti Presidential Decree (PD) 1829 wenno “Obstruction of Justice”.
Nairekomendar ti sag-12 ribo a pisos a piyansa dagiti akusado ngem saan da a nakapiyansa rason a naipisok da iti Ilocos Norte Provincial Jail (INPJ) ditoy ciudad ti Laoag bayat a maiyur-uray ti pannakapagpiyansa da.
