LAOAG CITY – Natay dagiti tallo a Lebanese journalists kalpasan ti Israeli strike iti ili ti Jezzine iti southern Lebanon.
Nabigbig dagiti biktima nga isuda Ali Shoeib, reporter para iti Hezbollah-affiliated Al Manar TV, kadwa na da Fatima Ftouni ken ti kabsat na a ni cameraman Mohamed Ftouni, nga agpada a manipod iti channel Al Mayadeen.
Basar iti report, natamaan ti strike ti nagluganan dagiti journalists kabayatan ti panagdaldalyasat da iti ili ti Jezzine.
Kinumpirmaran met ti Israel Defense Forces (IDF) a ti maysa kadagiti natay a ni Shoeib ket indiskribir da a terorista manipod iti Iranian-backed Hezbollah’s elite Radwan Force nga agop-operaren iti sumagmamano a tawen babaen ti panagpampammarang na kas journalist.
Nupay kasta, kinondenar ti Hezbollah ti strike gapu iti panangpuntirya da kadagiti journalists.
Indiskribir met ni Lebanese President Joseph Aoun ti napasamak kas “brazen crime” a nanglabsing iti “most basic rules” ti international law babaen ti panangpuntirya kadagiti agirakrakurak a dagitoy ket sibilyan a manger-aramid laeng ti professional duty da.
