LAOAG CITY – Natiliw dagiti tallo nga indibidwal iti border checkpoint iti ili ti Badoc gapo iti panangpeke da ti RT-PCR test resulta da.
Daytoy ti kinumpirmaran ni Police Major Joseph Tayaban, ti chief of police ti PNP-Badoc.
Segun kenni Tayaban, manarimaan ti panangberipikar da no pudno nga empleado dagitoy iti OWWA kas rakurak ti dua a lalaki ken maysa a babai.
Inlawlawag na nga idi sumrek dagitoy ditoy probinsya ken inpresentar da dagiti dokumento da ket naduktalan a peke ti RT-PCR test result da gapo ta awan ti bar code ken seal na.
Naamoan a dagitoy ket naggapo idiay Metro Manila.
Iti agdama, adda iti kustudiyar ti PNP-Badoc dagiti tallo nga indibidwal.
