LAOAG CITY – Kinumpirmaran ni Dr. Melvin Manuel, mangidadaulo ti City Disater Risk Reduction and Management Office (CDRRMO) ditoy siudad ti Laoag nga adda ti tallo a manggalap a naisadsad iti kabaybayan a paset ti Brgy. 60-A Caaocan ditoy siudad.
Inbatad na agarup alas-singko itay malem a nakita a naisadsad iti tengga ti taaw dagiti maseknan.
Kuna na a basar kadagiti immuna a nakakita ket agmaris ti nalabbaga ti bangka nu sadino a daytoy ti kulay ti bangka dagiti manggalap iti ili ti Currimao.
Nu pay kasta, iti immuna a panagturong dagiti coast guard ken rescue team ti CDRRMO iti Brgy. Caoacan ngem saanda a natuloy a napan iti taaw gapu ta napigsa ti dalluyon iti baybay.
Immakar dagitoy iti Brgy. 35-A Gabu Sur tapno makita nu nasaysayat ti sitwasyon ti baybay ngem rumrumuar a napigsa ti dalluyon.
Gapu iti daytoy, nagsubli dagiti rescuers ken manamnama nga ituloy da ti panangbirok kadagiti manngalap intuno bigat ti agsapa.
Maipagarop a naperdian dagiti manggalap isut gapu na a simmadsad ti bangka.
