LAOAG CITY – Kinumpirmaran ni Election Officer Josephine Balbas iti ciudad ti Batac nga adda nagbaliwan dagiti kandadato iti tallo a posisyon.
Segun kenni Balbas, nagbaliw iti kandidato iti kina-Mayor kalpasan a nagwithdraw ni Mr. Johan Nalupta ken sukatan ni Sang. Panlalawigan Member James Paul “Goro” Nalupta.
Malaksid iti daytoy, nagwithdraw pay ti kandidatura ni Mr. Joseph Edward Nalupta ken sinukatan ni Dr. Jeremiah Nalupta.
Iti met biang ti Sang. Panlungsod, nag-withdraw met ti asawa ni Mayor Albert Chua a ni Mrs. Rowena Chua.
Maipalagip nga inlawlawag idin ni Mayor Chua a saan na a plano a pagkandidatoen ti asawa na ngem gapo ta naka-leave of Absence idi ti kapartido da a Dr. Ramon Gaoat ket pinagpila na ni Mrs. Chua tapn sukatan ti doktor.
Nupay kasta, naamoan a kalpasan daytoy ket awan metten ti nagbalin a rakurak ni Dr. Ramon Gaoat seknan iti plano na na nga agpaidasig kas konsehal ket nagdeisyon a pinag-withdraw na ti asawa na.
