LAOAG CITY – Kinumpirmaran ni Bombo International Correspondent Demetrio Rafanan iti Rome Italy, a tallo a Pilipino dagiti nagpositibo ti coronavirus disease ken maysa ti addaan ti sintomas ti nasao a virus.
Iti report ni Rafanan, manarimaan ti panangobserbar dagiti health officials ti agsagsagaba ti sintomas ti virus.
Kuna na a dua kadagiti nagpositibo ket agtawen ti 63 ken agtawen ti 50 nga agpada a residente iti Milan, Italy.
Immuna iti daytoy, inpakaammo ni Rafanan nga adda ti maysa a Filipina manipud iti Italy ti naduktalan a nagpositibo ti coronavirus bayat nga adda iti agdama idiay Switzerland.
Naamuan ni Rafanan nga intugot dagiti employer na a nagturong idiay Switzerland itay kallabes.
Innayon na a nagtalinaed ti Pinay iti Samidan hospital iti nasao a pagilian.
