LAOAG CITY – Inpakaammo ni Bombo International News Correspondent Charisse Mae Mateo Maguslog nga addaan ti tallo a Pilipino a nagbalin a biktima iti napasamak a panaglayos iti kaadoan a paset ti United Arab Emirates.
Segun kenkuana, ti maysa a Pilipino ket nagbalin a biktima iti car crash idinto ti dua a 2 Pilipino ket nagbalin a biktima gapu ti suffocation iti uneg ti luganda gapu iti kellaat a panaglayos iti nasao a lugar.
Nupay kasta, nagsubli iti nasayaat a situasionen ken operasion iti Dubai kalpasan ti napigsa a tudo a nangitunda iti nakaro a panaglayos.
Inbatadna nga adda dagiti tren a saan pay nga agtartaray a nagbalinen a parikut kadagiti dadduma a commuters.
Mainanig iti daytoy, iti biang ti gobierno iti nasao a lugar ket arigna a saan daytoy a nasaganaan ngem sakbay ti panagtudo ket nangiparuk-at ti ballaag manipud iti National Weather Station iti uneg ti walo nga oras maipanggep ti napigsa a tudo.
Kabayatanna, innayonna nga adda ti mapaspasaangan a tudo nga umay kadaytoy a lawas segun iti National Weather Station.
